El Gobiernu defende la Llei d’eutanasia, "un derechu d’última xeneración"

La portavoz del Gobiernu, María Jesús Montero, amosó’l sofitu del Executivu a la Llei d’eutanasia, qu’esti martes llega al Congresu de los Diputaos, y comprometióse a siguir avanzando nos "derechos d’última xeneración" que tienen que tener los ciudadanos.

Na rueda de prensa darréu del Conseyu de Ministros, Montero destacó qu’esta futura llei cuenta con una importante aceptación de la sociedá española, que ye "madura" p’afrontar alderiques tan importantes como’l respetu a la voluntá de les persones al final de la so vida.

Según la portavoz del Gobiernu, ye dar un paragües sanitariu y una situación de seguridá y confortabilidá a les persones que tán sufriendo na recta final de la so vida pa que puen cumplir la so voluntá.

Solliñó que la llei reconoz, sicasí, el derechu a la oxeción de conciencia de los sanitarios y dexará compatibilizar el derechu del enfermu col del médicu oxetor.

El Plenu del Congresu podría abrir esta tarde la puerta a la despenalización y regulación de la eutanasia si como paezalcuerda almitir a trámite la proposición de llei del PSOE, que reconoz esta práctica como un nuevu derechuindividual.

La ex-ministra de Sanidá María Luisa Carcedo, que sedrá la encargada de defendela na Cámara baxa, yá dixo ayeri a Efe que confía en contar "con sofitos a esgaya" pa que la proposición entame laso tramitación parllamentaria, de fechu, otros grupos como Unidas Podemos y Ciudadanos avanzaron que darán un 'sí' al testu, al que’l PP, según fontes del partíu,quier presentar una enmienda a la totalidá.