El Gobiernu solliña qu'Armengol reclamó poles mazcarines y el PP dexólo caducar

El Congresu da'l primer pasu pa crear la comisión d'investigación sobre'l casu Koldo

La vocera del Gobiernu, Pilar Alegría, afondó en que la presidenta del Congresu, Francina Armengol, abrió un espediente cuando presidía Baleares pa que se reintegrare parte del importe de les mazcarines compraes a la trama del casu Koldo mientres que l’actual Govern del PP dexó caducar esi reintegru.

Estos son los "fechos" que la ministra punxo de relieve na rueda de prensa darréu del Conseyu de Ministros, onde contrapunxo l’actitú d’Armengol frente a la del Executivu autonómicu de Marga Prohens.

Entrugada sobre si l’Executivu va actuar d’igual manera que fizo col ex-ministru José Luis Ábalos -al que se-y pidió’l so escañu por "responsabilidá política"-, con Armengol o col que fuere presidente de Les Canaries y actual ministru, Ángel Víctor Torres, Alegría insistió en que’l Gobiernu actuará con "tresparencia" y "exemplaridá" nesti asuntu, como en too aquello que tien que ver cola corrupción.