El PSOE adelanta al PP y ganaría les elecciones con 1,9 puntos de ventaya, según el CIS

El sondéu revela que Sumar quedaría col 9,7% del votu estimáu y Podemos tendría un 2,7%

El PSOE sedría’l vencedor nunes hipotétiques elecciones, col 34% de los votos y una diferencia de 1,9 puntos sobre’l PP, que quedaría col 32,1% de los sufraxos, según l’últimu barómetru del Centru d’Investigaciones Sociolóxiques (CIS).

Esti sondéu, fechu ente’l 2 y el 5 de xineru, revela amás que Sumar quedaría col 9,7% del votu estimáu y Podemos -al que’l CIS yá separta de la formación liderada por Yolanda Díaz- tendría un 2,7%.

La diferencia ente socialistes y populares ye por mor de que’l PSOE xube 2,2 puntos dende l’anterior muestréu, al empar que los d’Alberto Núñez Feijóo pierden 1,1 puntos.