El PSOE sofitará investigar el 'casu Koldo' nel Senáu y espera que'l PP lo faga nel Congresu

Armengol nun tien inconveniente en comparecer sobre'l 'casu Koldo' si los lletraos lo avalen

El voceru del PSOE nel Senáu, Juan Espadas, avanzó que’l so grupu votará esta tarde a favor de crear la comisión d’investigación del 'casu Koldo', al empar que dixo qu’espera entá que’l PP sofite igualmente nel Congresu una investigación asemeyada pero más amplia.

Nuna rueda de prensa dempués d’aconceyar la Xunta de Portavoces, Espadas dixo que, sinón, el sofitu del PSOE nel Senáu, xunto a la negativa del PP nel Congresu, amosará la "diferente forma d’enfrentase a los casos de corrupción" de los dos partíos, y que’l PP namás investiga onde tienen mayoría absoluta.

El debate sobre la creación dase al entamu del Plenu esti mediudía, mientres que la votación seguramente sedrá a última hora de la tarde, porque la xunta de portavoces camudó l’orde del día y dexó la moción del PSOE venceyada a los servicios de rellaciones llaborales pa dempués de la sesión de control al Gobiernu, qu’entamará a les 16.00.