El casu Koldo lleva a Armengol a dar esplicaciones nuna comisión d'investigación

El PP acusa al PSOE de dificultar la comparecencia d'Armengol nel Congresu

Francina Armengol, la presidenta del Congresu y tercera autoridá del Estáu, dempués del rei Felipe VI y el presidente del Gobiernu, acude mañana a la comisión d’investigación del Congresu pa esclariar los contratos que robló en 2020 el Gobiernu balear qu’entós presidía.

Ye la primer vegada qu’una presidenta del Congresu nel cargu comparez nuna comisión d’investigación parllamentaria.

Y ye que’l casu Koldo, qu’investiga la compra de mazcarines na pandemia poles alministraciones públiques y nel que ta implicado l’ex-asesor del que fuera ministru de Tresportes José Luis Ábalos, tamién llevará a Armengol a comparecer nes comisiones del Senáu y del Parllamentu balear.