El presidente de la Generalitat convocará elecciones cuando s’aprueben los presupuestos de 2020

Torra considera que la llexislatura nun tien más percorríu pola desllealtá d’Esquerra

El presidente de la Generalitat dio anuncia de que convocará elecciones cuando s’aprueben los presupuestos de 2020. Nun concretó la fecha, pero la tramitación pue suponer tres meses.

Quim Torra considera que la llexislatura yá nun tien más percorríu pola falta de llealtá d’Esquerra.

Enagora, qu’afitamos que la llexislatura yá llegó al final del camín, diz, ye la hora de la máxima responsabilidá. Una vegada que s’aprueben los presupuestos nel parllamentu, daré anuncia de la fecha de les elecciones, afirmó’l presidente de la Generalitat.

Anunciólo esti mediudía nuna declaración institucional que foi convocada ayeri pela nueche d’urxencia, por mor de la crisis ente los dos socios de Gobiernu, Junts per Cataluña y Esquerra, pola retirada del acta de diputáu al presidente.

Torra culpó a Esquerra de que la llexislatura tea llegando al final enates de tiempu, dempués de que’l presidente de la Cámara, dixo, lu dexare al bentestate.

El Gobiernu catalán quier aprobar a les 15:00 el proyectu presupuestariu, que tendrá que completar dempués la so tramitación, que suel allargase ente dos y tres meses.