El rector de la Complutense ratifícase: nun hubo irregularidá al rodiu de Begoña Gómez

Suspendida la declaración de Juan Carlos Barrabés, por salú, hasta'l 1 d'agostu

El rector de la Universidá Complutense de Madrid, Joaquín Goyache, defendió énte’l xuez que nun hubo nenguna irregularidá al respective de la creación de la cátedra que codirixe Begoña Gómez, muyer del presidente del Gobiernu, y negó qu’él diere la orde pa qu’ella la codirixese.

Goyache ratificóse esti llunes na declaración que prestó, nesi casu como testigu, el 5 de xunetu pasáu énte’l xulgáu d’instrucción númberu 41 de Madrid, según informen a EFE fontes xurídiques.

Esta vegada fízolo como investigáu, dempués de la imputación del xuez Juan Carlos Peinado por un delitu de tráficu d’influencies, del que se desmarcó abiertamente esti llunes.