Ente un 30 y un 50% de la población con obesidá tien trestornu por atracón

Los espertos piden desvincular el pesu de la salú y que se respete la diversidá

La obesidá xenera otres enfermedaes pero tamién pue dir asociada a trestornos alimentarios como los atracones compulsivos. Amás, les persones con cuerpos non normativos sufren un doble estigma col que se prediz y valora la so salú, los sos vezos y, inclusive, la so personalidá.

Ente un 30 y un 50% de la población con obesidá tien trestornu por atracón, un desorde de la conducta alimentaria que conlleva episodios con comides compulsives y acompañaes de sensación de pérdida de control.

Son persones que se someten a dietes severes, alternándoles con periodos de descontrol. Los espertos consideren que sufren doble estigma.

Espliquen que la insatisfacción corporal suel ser mui intensa, pero los cánones de belleza idealicen la delgadez asociándola inclusive a la felicidá o al valor del individuu.

Estereotipos que lleven a aisllase o privase de facer actividaes físiques. Un refugu llamáu 'gordofobia', al que s’enfrenten tamién pacientes con otres dolencies como la diabetes.

Piden desvincular el pesu de la salú y que se respete la diversidá.