Fasteres nes que se dexe cazar llobos y fasteres nes que se prohíba según el nivel de conflictu

Conclusiones del congresu internacional del llobu

David Mech, referente internacional na recuperación del llobu, defende la xestión per fasteres, como se fai nel so país, Estaos Xuníos.

Esta ye una de les conclusiones recoyíes nel congresu internacional del llobu que se ta celebrando en Zamora.

Los ganaderos son los más afectaos, y p’algamar un equilibriu dellos espertos consideren que fai falta facer batíes controlaes.

Anguaño hai al rodiu de 300 manaes n’España, con protección dafechu al sur del Duero y controlaes nel norte.

Asturies ye la única comunidá na que la especie ye non cinexética. Sicasí, dende 2015 la Guardería del Principáu abate un cupu determináu d’exemplares cada añu, 21 en 2016. Piénsase qu’hai unes 37 manaes na rexón.