Homenaxe a les víctimes del terrorismu nel Congresu de los Diputaos

Les víctimes piden evitar que los etarres opten a escaños

El Congresu de los Diputaos celebra’l tradicional homenaxe a les víctimes del terrorismu, pero ensin la presencia de delles asociaciones nin de Vox. Al tar disueltes les Cortes, foi un actu más pequeñu y celebróse na Sala Constitucional en llugar de nel hemiciclu.

Delles asociaciones de víctimes del terrorismu, asina como’l partíu políticu Vox refugaron sumase por mor de la presencia de Bildu. Aseguren que ye un actu de cinismu celebrar esti "falsu homenaxe", como lu llamen, teniendo como socios de gobiernu formaciones que siguen llexitimando a ETA.

L’actu remató con un minutu de silenciu y la música d’estudiantes del Real Conservatoriu de Música de Madrid.

El presidente de la Fundación de Víctimes del Terrorismu (FVT), Tomás Caballero, pidió esti martes nel Congresu que los diputaos escoyíos na llexislatura viniente nun dexen otra vuelta "a cero" el marcador de defensa de les víctimes y que dean pasos pa evitar qu’etarres condenaos aspiren a ocupar un escañu.