Industria prevé que l'alcuerdu entre Alcoa y Parter se cierre esti domingu

Maroto: "Ta previsto que se terminen de perfilar los aspeutos que queden por esclariar a los trabayadores"

El Ministeriu d'Industria, Comerciu y Turismu prevé que l'alcuerdu de compra d'Alcoa por parte de Parter se cierre esti domingu y amiesta que va siguir trabayando pa garantizar la continuidá de los trabayadores más allá de los dos años a los que'l fondu suizu se comprometió.

Asina lo señaló esti martes la ministra d'Industria, Comerciu y Turismu en funciones, Reyes Maroto, qu'afirmó qu'esti martes ta previsto que se terminen de "perfilar" los aspeutos que queden por esclariar a los trabayadores pa que finalmente'l domingu, estos alcuerdos se dean.

"En cualquier casu son agora los trabayadores los que tienen que tomar la decisión", afirmó Maroto, qu'asegura qu'esi ye unu de los requisitos qu'Alcoa esixía y que, polo tanto, dende'l ministeriu tán acompañando y tutelando tol procesu que, según diz, foi "llargu y intensu".

La ministra en funciones espresó'l so preste énte l'alcuerdu algamáu con Parter teniendo en cuenta que'l pasáu 15 de payares los emplegaos de les fábriques d'Alcoa n'Avilés y A Coruña diben perder los sos empleos y agora tienen garantizaos polo menos dos años más de continuidá.