La 'carencia material severa' marca un máximu históricu en llares con neños y adolescentes

La tasa de probeza infantil llega a cuasi'l 30% de los llares

La Plataforma d’Infancia alertó esti llunes de que la 'carencia material severa' en neños y adolescentes volvió a marcar, per segundu añu siguíu, un máximu históricu, llegando al 10,8% de los llares con menores.

Asina lo recueye la organización, qu’axunta a más de 70 asociaciones d’infancia, nel so informe "Análisis de la Encuesta de Condiciones de Vida con Enfoque de Infancia 2024", qu’asitia a España como’l segundu país de la Xunión Europea cola tasa de probeza infantil económica más alta (28,9%), tres de Rumanía.

La 'carencia material severa' inxerta factores como nun poder dir de vacaciones polo menos una vegada al añu; comer carne, pitu o pescáu cada dos díes; o caltener la vivienda a una temperatura afayadiza.