La Fundación Gasol presenta un estudiu sobre obesidá y sedentarismu

Nos últimos 30 años la obesidá infantil multiplicóse por cuatro

Ente los factores ta tener o non proxenitores universitarios, si trabayen y el nivel de renta. Amestando les tres variables, la población infantil y adolescente más vulnerable dedica hasta 23 minutos menos al día a l’actividá física señala Santiago Gómez, director global d’Investigación y Programes de la Gasol Foundation.

Tamién hai diferencies bultables nel consumu de pantalles. Los neños y adolescentes en peor situación socioeconómica dediquen 16 díes completos más nun añu al usu de dispositivos apunta Mónica García, ministra de Sanidá.

Esti grupu de menores vulnerables duerme a la selmana un 10% menos, tien menos apegu a la dieta mediterránea y autopercibe un peor estáu de salú. Dende la Fundación Gasol piden impulsar el Plan Estratéxicu Nacional pa la Mengua de la Obesidá Infantil o que la promoción de vezos de vida saludables inxerte midíes sensibles pa les desigualdaes.