Lleguen a España los neños palestinos pa recibir tratamientu médicu

Dos neños de Gaza van ser trataos en traumatoloxía y oncohematoloxía nel HUCA

Los 15 neños y neñes gazatís enfermos o mancaos pola ofensiva israelín na Franxa de Gaza aterrizaben ayeri na base aérea de Torrejón de Ardoz (Madrid) pa recibir tratamientu en distintos hospitales d'España.

La ministra d'Inclusión, Seguridá Social y Migraciones, Elma Saiz, xunto cola ministra de Sanidá, Mónica García, la ministra de Defensa, Margarita Robles, y la ministra de Mocedá y Infancia, Sira Rego, recibieron esta tarde na base aérea a les families de 15 neños de Gaza que van recibir asistencia sanitaria urxente n'España.

Una delegación integrada por técnicos de la Dirección Xeneral de Migraciones, personal sanitario del Ministeriu de Sanidá y intérpretes de la ONG Accem, que collabora nesti dispositivu, acompañaron a les families nesti viaxe.