Los reis conmemoren el so 20 aniversariu de boda con un álbum de fotos coles fíes

Semeyes tomaes nos Xardinos del Moru del Palaciu Real de Madrid

La Casa Real espardió esti sábadu once semeyes de los reis coles sos fíes tomaes nos Xardinos del Moru del Palaciu Real de Madrid por mor del venti aniversariu de boda de don Felipe y doña Letizia, que se conmemora’l miércoles viniente.

Nes imáxenes, captaes polos fotógrafos oficiales del Palaciu de la Zarzuela va unes selmanes, los cuatro posen de manera relaxada y vistíos de manera informal en dellos puntos de los xardinos, en dalgunos cola fachada del palaciu de fondu.

Los reis quixeron compartir el protagonismu de les sos dos décades d’enllaz coles sos fíes, qu’apaecen en cuasi toles semeyes y en dos d’elles ensin los padres.

Namás nuna semeya vese a la pareya sola, con don Felipe arrodiando col brazu a la so muyer nuna amuesa de cariñu.