Pedro Sánchez, dispuestu a declarar pol casu de Begoña Gómez per escrito

Tellado acusa a Sánchez d'usar "disculpes" y avísalu: "Vamos a respira-y na nuca"

El presidente del Gobiernu, Pedro Sánchez, amosó al xuez Juan Carlos Peinado, qu’investiga a Begoña Gómez por tráficu d’influencies, la so disposición a declarar nel casu de la so muyer, pero per escrito.

Nun escritu dirixíu al titular de Xulgáu d’Instrucción númberu 41 de Madrid, con fecha d’esti miércoles y al que tuvo accesu EFE, Sánchez señala qu’esti mesmu llunes tuvo conocimientu "al traviés de los medios de comunicación" de la providencia del maxistráu que lu citaba a declarar en calidá de testigu.

Sánchez solliña nel escritu, "la so voluntá, como nun podía ser d’otru mou, de collaborar cola alministración de Xusticia, siempres nel marcu del estrictu cumplimientu de la Constitución Española y la llei que nos venceyen a toos y que son la máxima garantía del nuestru Estáu de Derechu".