Pedro Sánchez acuéyese al so derechu a nun declarar na causa escontra la so muyer

L'Abogacía del Estáu queréllase escontra'l Xuez Peinado por prevaricación

El presidente del Gobiernu, Pedro Sánchez, acoyóse esti martes a la dispensa llegal que-y dexa nun declarar énte un xuez como testigu nuna causa xudicial que se dirixe escontra la so muyer, Begoña Gómez, según informen a EFE fontes xurídiques.

Sánchez compareció nel edificiu de la Vicepresidencia, en Moncloa, en calidá de testigu énte’l xuez Juan Carlos Peinado, qu’investiga a la so pareya por presuntos delitos de tráficu d’influencies y corrupción nos negocios nuna causa abierta por una denuncia del autodenomáu sindicatu Manos Limpias y na que figuren otres acusaciones como Vox o la organización ultracatólica Hazteoír.

El xefe del Executivu tresmitió al xuez na so comparecencia que s’acueye al artículu 416 de la Llei d’Enxuiciamientu Criminal, que llibra a cualquier persona citada como testigu nun procedimientu xudicial de declarar a la escontra de la so pareya, según les fontes.