Pimentel demanda una estratexa alimentaria europea que nun piense namás na sostenibilidá

'La venganza del campo', alvierte sobre los riesgos que corremos si nun s'actúa yá

Manuel Pimentel, ex-ministru del PP, escritor y agricultor, asoleyó un llibru con un títulu significativu, 'La venganza del campo', nel qu’alvierte sobre los riesgos que corremos si nun s’actúa yá.

'La venganza del campo' yá llegó nun momentu en que son noticia, per un llau, les protestes de los ganaderos y per otru los precios. Nuna entrevista en TPA Noticies Matinal, Pimentel demanda una estratexa alimentaria europea que nun piense namás na sostenibilidá.

Afecta a toos, grandes y pequeños productores y tamién, nel casu d’Asturies a la ganadería.

Pimentel señala que, dende l’entamu del sieglu, Europa esfrutó de l’alimentación más barata de la historia, pero yá ye insostenible.

Alvierte de les consecuencies d’una política europea que quería los campos pa pasiar, mientres se producía n’otros sitios del mundu.

Sobre’l llobu, Pimentel defende la protección teniendo en cuenta les situaciones especiales de dellos territorios, como Asturies.