Sánchez avanza a les comunidaes qu'en nada van recibir un millón de test

Analiza colos presidentes de les comunidaes la evolución del virus y les midíes

El presidente del Gobiernu, Pedro Sánchez, avanzó a les comunidaes autónomes qu'ente esti domingu y mañana llunes les autonomíes van recibir un millón de test pa la detección de COVID-19.

Fontes autonómiques conocedores de les conversaciones per videoconferencia que ta teniendo Sánchez colos presidentes autonómicos confirmaron, amás, que'l xefe del Executivu pidió a los sos homólogos que-y dean un llistáu d'infraestructures nes qu'acoyer a los positivos por coronavirus que seyan asintomáticos.

Intentaríase asina contener un nuevu espardimientu de la enfermedá.

El presidente del Principáu, Adrián Barbón, sofitó l'ampliación del estáu d'alarma y plantegó la necesidá de conocer los oxetivos de déficit.