Sánchez cree que'l "magníficu" prealcuerdu con ERC dexa atrás la mayor crisis territorial

Page avisa que l'alcuerdu con ERC "nun lu venceya" y confía en que'l PSOE "nun lu tolere"

El presidente del Gobiernu, Pedro Sánchez, reivindicó’l "magníficu" prealcuerdu algamáu ente’l PSC y ERC pa investir a Salvador Illa como presidente de la Generalitat como exemplu de diálogu dempués de la "mayor crisis territorial de la historia de la democracia" provocada pol PP en Cataluña.

"España ta muncho meyor qu’en 2017 y tará entá meyor en 2028 al respective del 2024", aseguró en rueda de prensa nel balance del cursu políticu que fizo en Moncloa de los primeros ocho meses de llexislatura.

Sánchez señaló qu’agora ye’l momentu de dialogar y de siguir llegando a alcuerdos anque precisó que se necesitará "tiempu, enfotu y voluntá" porque tán afitándose les bases pa la normalización de Cataluña y tamién pa la resolución d’ún de los principales problemes territoriales que vivió España.

Dempués de recalcar que’l gobiernu d’alianza progresista heredó del PP en 2018 "la mayor crisis territorial de la historia de la democracia" qu’amás tuvo efectos contrarios na economía y estrozó la reputación internacional y la convivencia ente catalanes y ente catalanes y españoles, Sánchez insistió en que defende con "pasión" esti prealcuerdu qu’agora tienen qu’afitar les bases d’ERC.