Sánchez: "Queremos evitar de toes toes el confinamientu domiciliariu"

El presidente cifra en tres millones el númberu de contaxaos na pandemia

El presidente del Gobiernu, Pedro Sánchez, mira por llendar al máximu la movilidá pa frenar al coronavirus nesta segunda fola, anque amestó que "queremos evitar de toes toes el confinamientu domiciliariu" y actuar nes situaciones que fomenten el mayor númberu de contaxos: les xuntes sociales y familiares o con amigos, el trabayu y l'ociu nocherniegu.

Na so declaración institucional nel Palaciu de la Moncloa pa valorar la evolución de la pandemia, Sánchez faló sobro un posible estáu d'alarma qu'España ta llista p'adoptar cualquier midida que seya necesaria pa frenar la pandemia, pero siempres con equilibriu ente protección de la salú, desaniciu de los efectos económicos y respetu a derechos y llibertaes.

Pero de siguío conseñó que se va faer buscando siempres l'equilibriu ente la protección de la salú pública, el desaniciu de les consecuencies sociales y económiques y la garantía de los derechos y llibertaes qu'amparen la Constitución.

"Tenemos qu'adoptar les midíes necesaries causando'l menor dañu económicu posible y les menores restricciones posibles pa les llibertaes personales, y tamos llistos p'adoptar toes y cauna de les midíes que seyan necesaries", conseñó.

El presidente del Gobiernu, Pedro Sánchez, afirmó esti vienres que'l númberu de contaxaos pola COVID-19 que realmente hebo n'España dende l'entamu de la pandemia ye de tres millones de persones, anque'l rexistru oficial da alredor d'un millón.