Un informe de PISA señala que repetir cursu nun meyora'l rendimientu del alumnáu

La tasa de repetidores na educación obligatoria menguó n'España ente 2015 y 2018

La tasa de repetidores na educación obligatoria menguó n'España ente 2015 y 2018, pero siguimos teniendo unes cifres "alarmantes y superiores" a les de la Xunión Europea y la OCDE según l'últimu informe PISA, nel que s'afita que repetir cursu nun meyora'l rendimientu del alumnáu.

"Ta claro que la repetición de cursu nun meyora les competencies que se miden en PISA", reconoz el secretariu d'Estáu d'Educación y Formación Profesional, Alejandro Tiana.

Pa la Organización pa la Cooperación y el Desendolcu Económicos, menguar la tasa de repetidores ye una "asignatura pendiente" del sistema educativu español porque, según PISA 2018, presenta una media de repetidores del 28,7 % frente al 11,4 % de la OCDE.