L.luarca prepárase pa honrar al so patrón San Timoteo

Vecinos y turistes convirtiéronse en cocos y cabezudos

Vecinos y turistes convirtiéronse en cocos y cabezudos nuna tradición dientro del programa de fiestes de San Timoteo. El Xaréu consiste en salir a les cais y escorrer al públicu cola bixiga, una especie de llátigu apunten Cecilia Berlanga, vecina de L.luarca; Abel Cala, vecín d'Avilés y Juan Álvarez, vecín de Madrid.

Ye'l preludiu del día grande de les fiestes de L.luarca. La romería de San Timoteo d'esti xueves va axuntar a miles de persones que, como manda la tradición, van cantar el cumpleaños feliz. Una fiesta que cumple 114 años de vida, una de les que lleva más xente de la contorna asegura Melchor Álvarez, presidente de la Cofradía de San Timoteo.

El campu de San Timoteo va cuntar con un plan de seguridá pa caltener l'orde nunu de los díes más importantes del conceyu valdesanu.