La ComectCon ufiertará más de 150 actividaes de baldre ente'l 6 y el 8 de setiembre

L'eventu axunta a miles d'aficionaos de los videuxuegos, l'anime, la fantasía y el cosplay

La ComectCon, que se celebrará ente’l 6 y el 8 de setiembre nel recintu Luis Adaro de Xixón, ufiertará más de 150 actividaes de baldre como photocalls n’homenaxe a Akira Toriyama (creador de 'Dragon Ball', muertu esti añu), talleres de llectura, escritura y manualidaes, asina como xuegos de mesa y delles promociones.

Esti eventu axunta a miles d’aficionaos de los videuxuegos, l’anime, la fantasía y el cosplay.

Na so duodécima edición, la organización entamó, sicasí, un tornéu d’Age of Empires que llevará a los ganadores a la final europea nel castiellu d’Almodóvar (Córdoba), onde se rodaron delles escenes de la serie Juego de tronos.

El fundador y entamador de CometCon, Héctor Lasheras, destacó’l potencial del eventu como actividá familiar y qu’ufierta "una esperiencia inolvidable pa los más pequeños y los sos acompañantes".