L.luarca espierta cola resaca de la romería de San Timotéu

Una empresa privada llimpia'l prau pa eliminar les tonelaes de basura

Tonelaes de basura espardíes pel prau de la fiesta de San Timotéu dempués de 12 hores nes que miles de persones nun pararon de baillar, comer y beber. Esta mañana una empresa privada de llimpieza entamó los trabayos pa devolver la normalidá a un llugar que güei prácticamente taba solitariu. L’añu pasáu tres operarios tardaron 15 díes en llimpialo too.

Esti añu son seis trabayadores y esperen facelo más rápido, dicen que nunos tres díes. Paez que’l llugar quedó daqué más llimpiu que n’años anteriores señala Ángela Mortera, de Multiservicios Amanecer.

Ente los restos qu’hai que quitar agora hai prácticamente de too.

La fiesta acabó esta madrugada ensin que se rexistraren incidencies d’importancia. Dende la cofradía de San Timotéu destaquen que reinó la normalidá.