La música electrónica llega a El Parque'l Muelle con 'El Kioskazu'

Siete artistes buscarán facer esfrutar al públicu

Fin de selmana festivu n’Avilés coles fiestes de San Agustín que güei estrenen eventu con 'El Kioskazu'. Música electrónica con siete artistes que buscarán facer esfrutar al públicu xuvenil na contornada d’El Parque’l Muelle.

El quioscu d’El Parque’l Muelle d’Avilés sedrá esti sábadu la referencia del tecnho y l’house nes fiestes de San Agustín. 'El Kioskazu' ye la gran novedá de la programación que llega a la ciudá de la mano del creador del 'Pantanazu' de Corvera.

La música electrónica sedrá l’antesala al gruesu de la programación festiva n’Avilés, onde esti domingu inauguraráse’l mercáu medieval nel cascu históricu y el Certame de Ganáu de La Madalena.