El pueblu de Siones opta per primer vegada a ser consideráu Pueblu Exemplar d'Asturies

Una pequeña comunidá uvieína que recuperó fiestes, ilesies y llavaderu gracies al trabayu vecinal

Si daqué caracterizó a Siones nos últimos tiempos ye la unión y el trabayu conxuntu de los sos vecinos por caltener viva la hestoria y l'heriedu cultural del pueblu. Daqué que se tradució por exemplu na rehabilitación de les dos capiyes, la del Carmen y la de Samiguel.

Tamién na recuperación, dempués de 75 años, de la procesión de Selmana Santa, y de les fiestes patronales. Siones cunta con daqué menos d'un centenar de vecinos. Y ente'l so patrimoniu, destaquen los sos 17 horros y paneres y los dos llavaderos tradicionales.

La iniciativa Biblioteques Abiertes ye una de les actividaes puestes en marcha nel pueblu pa fomentar la llectura y crear comunidá. Y otru de los motivos polos que Siones quier ser consideráu Pueblu Exemplar d'Asturies.