La cita piloñeta de la sidra casero celébrase más tarde anguaño pa nun coincidir con La Vuelta d'esti domingu. El 7 y 8 de setiembre preparen una amplia programación que va dende'l concursu non profesional d'escanciáu, cada vez con mayor interés, hasta actividaes como la charanga o'l desfile de carroces señalen Luis Sariego, miembru de l'Asociación de Sidre Casero de Piloña y Nerea Carmona, tesorera de l'Asociación de Sidre Casero de Piloña.
Protagonistes van ser amás los más de 1.500 vasos, serigrafiaos pa la ocasión, que se van poner a la venta nesti festival de sidra casero, unu de los más importantes d’Asturies. Esperen qu'anguaño tamién se rexistre una importante llegada de productores apunta Avelino Fuentes, miembru de l'Asociación de Sidre Casero de Piloña.
Y ye qu'en Piloña de sidra casero saben y enforma, un conceyu que cunta con más de 70 llagares rexistraos. Exemplu d'ello ye'l de José, con toa una vida dedicada a ello, y que maya colos sos familiares asegura José Sánchez, productor de sidra casero de Borines.
Nada meyor que gaites y sidra gracies al trabayu d'esta asociación pa celebrar ellí'l Día d'Asturies.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL