Asturies y Lleón retomen los Alcuentros Culturales de les Poles 22 años dempués

La Pola Vieya, l"anfitriona d'una xornada na que se punxeron en valir les cultures y tradiciones de dambes comunidaes

La idea de retomar estos alcuentros surde pola iniciativa de l'Asociación de Vecinos de La Pola Vieya. Esti hermanamientu ente les distintes poles empezó nesti pueblu en 1999 de la mano del daquella alcalde Gabriel Pérez Villalta y güei retómense pa poner en valir la tradición, cultura y folclor d'estos llugares apunta Juan Carlos Iglesias, alcalde d'Ayer.

La Pola Vieya foi anfitriona de La Polina y les poles d'Allande, Llaviana, L.lena, Siero, Somiedu y la Vecina Pola de Gordón nun eventu que va tener continuidá los dos próximos años en L.lena y en Pola de Gordón, onde se celebró la última edición, la de 2002 asegura Antonio García, alcalde de Pola de Gordón.

Les poles participantes y Retu demográficu destacaron la importancia d'estos eventos pa encarar el desafíu d'atraer y afitar población señala Marcos Niño, director xeneral de Retu Demográficu. Y nesi sen güei conociéronse costumes, folclor, gastronomía y espresiones de les ocho poles que se dieron cita en La Pola Vieya.