Seis estrenos absolutos protagonicen la programación d'EscenAvilés del cuartu trimestre del añu, que va tener un marcáu acentu arxentín, cola presencia de los dramaturgos Claudio Tolcachir, y Daniel Veronese.
Ellos van estrenar la obra 'Los de Ahí' y ‘Encuentros breves con hombres repulsivos'. Dambes nel Centru Niemeyer. Tamién podrán vese representaciones como Forever o Los lunes al sol, ente otres. Los espectáculos van cuntar con actores reconocíos como Mirian Odorico, Carlos Hipólito o Ángela Molina.
Tamién va haber cuatro obres de creadores asturianos, tres d'elles estrenos, nel ciclu 'Fecho n'Asturies'. El miércoles va empezar la venta d'abonos.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL