La Catedral d'Uviéu espera perpasar por muncho'l so propiu récord de visitantes esti branu

El so deán asegura que tán satisfechos porque consiguieron evitar la presión turística y caltener un clima de respetu nel interior

Muda y perenne, como dicía Clarín, la Catedral d'Uviéu cree con total seguridá qu'esti branu va perpasar el so propiu récord de visitantes, con díes nos qu'hebo 1.700 persones cruciando les sos puertes. Pero si de daqué tán arguyosos en San Salvador, dicen, ye d'evitar la masificación, la presión turística y de caltener un clima de respetu. Nótase dende 2014 cuando empezaron a cobrar por entrar asegura Benito Gallego, deán de la Catedral d'Uviéu.

Aforu tamién nes xubíes a la torre y la entrada a la Cámara Santa que tamién son de pagu señalen Celeste Álvarez, turista de La Rioja; Teresa Jiménez, turista de Murcia; y Maribel Torres y Isabel Navarro, turistes de Granada.

Una tasa que dalgunos piden aplicar a los monumentos del Prerrománicu, nesi casu pa protexelos de la gastadura del turismu. Por casu, pa xubir les escaleres de Santa María del Naranco. Anguaño namás se paga pa entrar con visita guiada a la sala noble.