Candás celebra esti domingu'l 400 aniversariu del pleitu de los delfines con una teatralización

La bayura d'estos cetáceos ente Gozón y Xixón perxudicaba a los pescadores

Esti domingu Candás celebra'l 400 aniversariu del pleitu de los delfines con una teatralización abierta al públicu. La hestoria cunta qu'en 1624 había munches toliñes ente Gozón y Xixón, lo que perxudicaba a los pescadores porque estropiaben apareyos y redes.

Acompañaos pol párrocu de Candás, pidieron mediación al obispu. Ésti unvió a la mar a un abogáu, un catedráticu y un notariu a que fixeren unos esconxuros qu'espulsaren a los delfines.

Esi documentu de 1624 guárdase nel Archivu históricu d'Asturies.