El fotógrafu Sasha Asensio presenta en primicia unu de los sos proyectos más complexos

Un total de 38 semeyes amuésense nel Muséu Barjola de Xixón

Una visita al Muséu d'Hestoria Natural de Nueva York va dos décades ye'l xerme del proyectu artísticu de Sasha Asensio. A aquel percorríu siguiéronlu otros munchos pelos pasiellos nos que s'amuesen escenes de natura en tres dimensiones de mediu mundu, obres d'arte centenariu y llexendaries que cautivaron al artista.

Grandes montaxes qu'esti artista que vive a caballu ente Barcelona y Nueva York tresformó en fotografíes de gran formatu y cola idea de confundir al güeyu humanu.

Un total de 38 semeyes de la sabana africana, de l'Antártida, d'Asia y Norteamérica que puen vese hasta payares nel Muséu Barjola de Xixón, per primer vegada n'España.