Uviéu acueye la esposición 'José Vélez, Maestru del Fotoperiodismu n'Asturies'

Un percorríu pela nuesa hestoria en blanco y negro

Dende güei y hasta'l 2 d'ochobre la Plaza de Trascorrales d'Uviéu acueye la esposición 'José Vélez, Maestru del Fotoperiodismu n'Asturies'.

Un total de 250 fotografíes de les más de 200.000 que componen l'archivu d'unu de los gráficos más activos y influyentes del gremiu n'Asturies, muertu en 2012. Un percorríu pela nuesa hestoria en blanco y negro.

Les semeyes formen parte del archivu donáu pola so familia al Museu del Pueblu d'Asturies.

L'oxetivu de Vélez afitóse sobre manera en fechos noticiosos, como l'accidente d'un mineru soterráu nel pozu Nicolasa en Mieres en 1980, y retrató con especial ciñu la so ciudá natal, Uviéu.

Güei la capital rinde homenaxe al maestru del fotoperiodismu n'Asturies.