Cerca de 300 persones participen na carrera pa recaldar fondos pa la investigación de la ELA

Cuarenta y cinco enfermos d'ELA pidieron yá les ayudes transitories del Principáu

Unes 300 persones solidarizáronse cola ELA en Samartín del Rei Aurelio corriendo o caminando. Una carrera que destinará los sos fondos a la investigación d’esta enfermedá, la esclerosis llateral amiotrófica.

N’Asturies hai 133 diagnosticados. Cuarenta y cinco, solicitaron les ayudes que per primer vegada punxo en marcha’l Principáu pa meyorar la so calidá de vida. L’Asociación ELA Principáu valora los cursos de formación pa cuidadores, qu’entama a final de mes; pero reivindiquen más flexibilidá nos criterios, y l’apertura total del Credine.

Cuarenta y cinco enfermos d’ELA pidieron yá les ayudes transitories del Principáu

La llinia d’ayudes dirixida a meyorar la vida de los enfermos d’ELA, que punxo en marcha la Conseyería de Salú con una partida de 1,8 millones, recibió yá 45 solicitúes, según señaló esti sábadu la directora xeneral de Cuidaos y Coordinación Sociosanitaria, Rocío Allande.

Asturies ye, xunto con Galicia, la única comunidá que convocó estes ayudes que tarán vixentes hasta que s’apruebe la llei d’atención dafechu a los enfermos d’ELA.