Los cosplayers vuelven a concursar na Cometcon

L'eventu destaca pola participación de cuasi 200 equipos de gaming, torneos d'e-sports y la zona de free play más grande d'Asturies

L’actividá principal del día foi’l cosplay. Decenes d’aficionaos ficieron una performance pa interpretar a los personaxes más icónicos de cómics, cine, llibros, manga y videoxuegos apunten Elena Menéndez, aficionada d’Avilés, y Adrián Pastor, aficionáu de Xixón.

Los videoxuegos cada vegada tienen más protagonismu. Ún de los eventos más populares son los torneos d’e-sports. Como novedá, esti añu’l festival ufierta la zona de xuegu llibre más grande d’Asturies aseguren César Gracia, aficionáu de Xixón, y Pablo Gabán, gamer de Xixón.

L’eventu estrella del ociu mozu y alternativu cunta con cuasi 200 equipos ente ordenadores, consoles y dispositivos de realidá virtual señala Daniel Santigosa, codirector de la Cometcon.

La organización espera igualar o superar los 24.000 visitantes del añu pasáu.