Too preparao en Tinéu pal desfile vaqueiru por mor del día grande de la Fiesta de l'Alzada

L'asociación cultural de vaqueiros d'alzada tán acabando los detalles

L'asociación cultural de vaqueiros d'alzada d'Asturies lleva 37 años entamando la fiesta de l'alzada, un eventu que nació col enfotu de desaniciar la discriminación que sufría la población vaqueira señala Juan Manuel García Gallo, presidente de l'Asociación Cultural de Vaqueiros d'Alzada d'Asturies. Polo que güei se celebra una sesión vermut y una comida comunitaria pa los vecinos de la zona.

Anque lo que más ilusión fai a la xente ye'l desfile vaqueiru del carru'l país y de pascualinos. El desfile va cruciar la zona que dixebra la braña de Las Tabiernas y La Casa'l Puertu.

Mañana, amás d'esi desfile tamién se celebra la coronación de la reina de l'alzada, y dende la organización yá preparen los últimos detalles pa que too salga perfecto asegura Jésica Bueno, reina de l'Alzada 2024.

L'asociación espera que'l tiempu acompañe, pa poder esfrutar tamién de les actuaciones de dellos dúos musicales que van tener llugar pela nueche.