Casu estrena l'Argayu Fest

El festival axuntará cultura, naturaleza y patrimoniu en tres díes

El fin de selmana viniente, Casu estrena festival. L’Argayu Fest ta inspiráu nel gran argayu qu’afectó al conceyu va seis años. Algamará axuntar cultura, territoriu, naturaleza y patrimoniu en tres díes.

Argayu Fest entamará’l vienres con una ruta pa sentir la berrea y la proyección y charra del documental 'Salvajes' con Álex Galán.

El sábadu, El campu sedrá l’epicentru de l’actividá musical. Cola participación de seis grupos asturianos, como Nacasa Trío o Les Fíes de Chimo Bayo Dj set.

Visites a la quesería Redes, al Muséu de la Madera y la Madreña y al conxuntu etnográficu de Veneros completen el programa.

Una escusa perfecta, aseguren, pa siguir descubriendo esti paraísu de Redes.