El festival CometCon recibió cerca de 23.000 visitantes

Héctor Lasheras amuesa la so confianza en "siguir medrando y meyorando"

La edición de la CometCon d’esti añu recibió cerca de 23.000 visitantes, según informó esti martes la organización d’esti eventu dedicáu a la cultura de los videoxuegos, l’anime, los cómics y l’entretenimientu que se celebró nel recintu ferial Luis Adaro de Xixón ente’l 6 y el 8 de setiembre.

Nun comunicáu, el director de CometCon, Héctor Lasheras, destacó que caltener les cifres de 2023 "ye un éxitu".

Nesta llinia, afirmó que la esperiencia d’esti añu "foi escelente en tolos sentíos", al empar qu’amosó la so confianza en "siguir medrando y meyorando".