La editora y escritora arxentina María Fasce gana'l Premiu Café Xixón 2024

'El final del bosque', una obra que fala d'amor y desarraigu

La escritora y editora arxentina María Fasce ganó esti martes el Premiu Café Xixón pola so novela 'El final del bosque', una obra "d’induldable solvencia formal y d’innegable vuelu estilísticu" según el fallu del xuráu d’esti galardón dotáu con 20.000 euros.

El Café Xixón de Madrid acoyó güei la entrega d’esti premiu a Fasce, escritora y directora lliteraria d’Alfaguara, Lumen y Reservoir Books, una profesional del sector lliterariu. La so novela premiada foi calificada tamién pol xuráu pol so poder de "afondar n’asuntos como’l desarraigu, la llende ente razón y llocura o les servidumes y miseries familiares".

En concreto, según avanzó la editorial Siruela (encargada d’asoleyar la obra ganadora) el llibru aborda la vida de Lola, qu’acepta la propuesta de los sos hermanos de pasar una temporada na viesca mítica de la so infancia.