La Catedral d'Uviéu entama esti sábadu la 'Perdonanza'

Les banderes vuelven a ondear na torre de la Catedral

La Catedral d'Uviéu da empiezu mañana al Xubiléu de la Santa Cruz o Perdonanza, que va llegar hasta'l día 21. Esti periodu foi instauráu nos años 80 pol Papa Juan Pablo II por cuenta de la fiesta de la Exaltación de la Santa Cruz.

Por tal motivu, la torre de la Catedral lluz dende güei cinco banderes coloraes en tolo alto. L'encargáu d'asitiales esta mañana foi un miembru de la Federación de monte del Principáu d'Asturies con más de 30 años d'esperiencia.

Primero asitió cuatro banderes pequeñes n'otros tantos pináculos pa, como colofón, asitiar un pendón más grande na aguya de la Torre, a 85 metros d'altor. Nos próximos díes, tolos fieles puen ganar la Indulxencia na Catedral.