Nueve artistes asturianos, nel Salón d'Arte Contemporaneu de París de la mano de la galería Acuña

La galería sal d'España coles mires de potenciar el talentu mozu asturianu

L'artista lluanquín Daniel Acuña va llevar el talentu nuevu asturianu hasta París. Cola so galería va participar nel salón d'arte contemporaneu de la capital francesa que se celebra del 20 al 22 de setiembre y failo con obra de 12 artistes, nueve d'ellos asturianos.

Pintura, escultura o fotografía van ser dalgunes de les obres que la galería de Lluanco va dar a conocer al públicu internacional nesta feria, coles mires de potenciar el talentu mozu asturianu.

Una esperiencia internacional arropaos por Acuña, qu'espera sirva a los artistes emerxentes pa faese un buecu nel mercáu del coleicionismu d'arte.