Primer actividá cultural nes cocines de La Llaboral

'Proyecto Piloto' preestrena 'Bauh' sobre danza y musical pal públicu infantil y familiar

Primer actividá cultural nes antigües cocines de La Llaboral, que s’acaben de rehabilitar. Los espacios acueyen el pre-estrenu de la obra 'Bauh' de la compañía asturiana 'Proyecto Piloto'.

Inxertos nel festival 'Rincones y Recovecos', hubo un primer pase a les 13:00 y habrá otru a les 19:00. La producción diríxese sobre manera al públicu infantil y familiar.

La obra inxerta danza-teatru, música y ye interactiva pa estimular l’interés del baille ente la mocedá. Ta inspirada nel movimientu artísticu Bauhaus, de l’Alemaña de los años 20.

L’estrenu de 'Bauh' sedrá n’ochobre nel Centru Municipal d’El Llano.