Grau acueye'l Certame de la escanda

El cereal sigue'l so gran progresu n'Asturies

Grau acueye per ventena tercer vegada’l Certame de la escanda. Una iniciativa qu’añu a añu va ganando más productores. Nesti marcu, l’Asociación Asturiana de Productores d’Escanda afirmó que la collecha d’escanda llegó a les 44 tonelaes esti añu n’Asturies.

Con un 10% más que l’añu anterior, la collecha d’escanda llegó a les 44 tonelaes con un mui bon granu, de mui bona calidá, que fai que la escanda siga col so gran progresu.

Una progresión palpable cola medría de productores que superen el mediu centenar n’Asturies, a la que se xune la demanda d’alimentos fechos con escanda.

L’usu de la escanda nun queda nel alimentariu, porque ta presente nel mundu de l’arquitectura d’interiores.

El certame sigue medrando y abriendo nueves víes pa dar a conocer esta mena cereal representativa del nuestru entornu.

Grau ye’l conceyu del Principáu onde se cultiva más escanda y quier siguir cola medría d’esti cereal.