L'Afuega'l pitu de trapu colorao de Temia, escoyíu meyor quesu d'Asturies en Morcín

Una decena d'ellaboradores participen na feria, que volvió a zarrase con bones ventes

L’Afuega’l Pitu de trapu colorao fecho pola quesería Temia foi escoyíu’l meyor quesu d’Asturies na feria de Morcín. D’ellaboración lenta con lleche pasteurizao de vaca destaca pola so forma y el so color anaranxao, consecuencia d’amestar pimentón nel amasáu.

Una victoria axustada que se decidió por un únicu votu de diferencia col segundu finalista.

Nesta trixésimu cuarta edición de la feria participaron una decena d’ellaboradores con variedaes como Cabrales, Gamonéu, de Los Beyos y, cómo non, l’Afuega’l Pitu.

Eso foi, precisamente, el quesu más buscao ente los distintos puestos.

A pesar de que pa los ellaboradores cada vegada ye más difícil sacar alantre la so producción, los precios caltiénense asemeyaos a los del añu pasáu. La medría de costos nun se ta treslladando dafechu al bolsu del veceru y munchos ellaboradores opten por asumir parte de la medría colos sos márxenes de beneficiu.

Problemes pa un sector mui apreciáu dientro y fuera de les nuestres llendes.