La esposición pa revertir la invisibilidá de les muyeres nel arte podrá vese hasta abril de 2025

Una vista al pasáu dende'l presente tecnolóxicu

Nun ye namás una paré en blanco, ye la representación de cómo les muyeres artistes fueron invisibilizaes a lo llargo de la historia. Güei inaugúrase en La Llaboral Centru d’Arte una esposición pa revertilo, p’asoleyales.

El proyectu, ideáu por Héctor Lasheras con Begoña Torre como comisaria, descubre les obres de 10 muyeres dende la Edá Media hasta los años 80 del sieglu 20. Una vista al pasáu dende’l presente tecnolóxicu porque pa poder ver los trabayos fai falta l’usu d’una táblet que se facilita na esposición.