Pablo Senator debuta en solitario

L'ex-vocalista de Desakato espubliza 'La mano en el fuego', el so primer discu en solitario

Llevaba más de dos décades siendo unu de los referentes na escena del punk rock nacional. Pablo Martínez, ex-vocalista de Desakato, presenta agora'l so proyectu en solitario. So la identidá de Pablo Senator asoleya'l 20 de setiembre'l so primer discu. Un álbum de música pop que ruempe dafechu colo que se venía faciendo hasta agora.

Cantares que suenen más lentos, pero que nun pierden enerxía y intensidá. El músicu recurre al ruíu sonoro pa vistir unos versos que tresmiten verdá y honestidá.

Nos diez cantares qu'inclúi l'álbum, Senator non solo s'altreve a buscar nuevos sones, sinón que se quita prexuicios.

El músicu yá anunció les primeres feches d'una xira que va entamar en payares y que lu va llevar a actuar en ciudaes como Barcelona, Valencia, Madrid, Bilbao o Xixón.