El Principáu pon en marcha una campaña p'amenorgar el consumu de pastielles pa dormir

La campaña busca concienciar a pacientes y sanitarios

Esta ye la campaña dormir ensin pastielles. Tien un oxetivu: meyorar la prescripción de benzodiacepina porque nun tien que convertise nun tratamientu crónicu señala Sara González Alonso, médicu de familia y responsable d’evaluación de tecnoloxía sanitaria.

La campaña inxerta l’unviu de cartes a pacientes d’ente 18 y 75 años con tratamientu por problemes de sueñu, esclúyense aquellos con episodios activos de depresión, ansiedá, epilepsia, demencia o psicosis. La carta inxerta recomendaciones pa dormir meyor.

El consumu d’estes pastielles medró un 40%. Ye una campaña en dos senes: pa los pacientes pero tamién pa los médicos apunta Elvira Muslera, coordinadora de la oficina d’evaluación de tecnoloxía sanitaria del Principáu d’Asturies.

La campaña sigue un modelu asemeyáu aplicáu nel País Vascu onde tuvo una eficacia del 24%. Con too, hai que recordar qu’esta ye una medicación que nun tien que dexase de golpe y que, énte cualquier dulda, consultemos al nuestru médicu.