El Grupu de Monte Ensidesa cumple 50 años

La entidá cunta con más de 1.300 socios y socies y busca relevu xeneracional

El Grupu de Monte Ensidesa fizo ayeri una celebración na so sede por mor del so 50 aniversariu que se cumple güei. Un club qu’entamó con salíes al monte los martes y los miércoles pa los trabayadores de la factoría y les sos families destaca Urbano Torre, ex-presidente del Grupu de Monte Ensidesa.

50 años dempués celebren el mediu sieglu de vida con actividaes como l’ascensión a El Picu Urriellu que forma parte de les 2.500 salíes feches nesti tiempu. Con 1.300 socios y socies, el club afronta’l retu d’atraer a los más mozos al mundu del monte apunta José María de Saracho, presidente del Grupu de Monte Ensidesa.

Un 50 aniversariu que tamién traerá salíes pa esquiar o turismu social. Nesi mediu sieglu de vida, la entidá tien ente los sos llogros la creación de la Travesera Integral de Los Picos d’Europa señala Benjamín Cabo, ex-presidente del Grupu de Monte Ensidesa. Y si por daqué caracteriza esti grupu nun ye namás pola actividá montañera sinón tamién por desendolcar unos llazos que rocen lo familiar.

El Grupu de Monte Ensidesa zarrará los actos pa conmemorar el so mediu sieglu de vida’l 9 de payares viniente cola so fiesta social.