Les interrogantes d'Eduardo Chillida, hasta'l 1 d'avientu nel Belles Artes

El muséu conmemora'l centenariu de la nacencia del escultor vascu

Chillida tenía fascinación poles entrugues, porque dicía que yeren muncho más importantes que la más rellumante de les respuestes. Y eses interrogantes tán dende güei nel Muséu de Belles Artes d'Asturies en 50 estampes y nueve escultures que conmemoren el centenariu del artista vascu.

L'escultor afirmaba que tenía un calter “rumiante o asalmonáu" porque daba vueltes y vueltes a les sos interrogantes, iguándoles en fierro, aceru, terracota, xugando cola curvatura espaciu tiempu y desafiando la llei de la gravedá.

La obra d'un humanista qu'entendía l'arte como un “llugar d'alcuentru", el que s'escuende hasta'l 1 d'avientu ente la piedra del Palaciu de Velarde.